|
|
Kjøling av motoren blir hovudsakeleg utført av kjølevæska.
I tillegg vil oljen bidra litt.
|
|
|
|
|
Kjølevæska skal halda motortemperaturen stabil, og tilføra
varme til registeret (varmeapparatet).
Ho skal ogso hindra rust og attgroing, samt tola frost og ha høgt kokepunkt.
Vasspumpa held væska i sirkulasjon.
Kjølevæska kjøper du som konsentrat som du blandar med reint (helst sterilt) vatn.
(Ikkje utset kjølevæskekonsentrat for kulde.)
|
|
|
Vasspumpe.
|
|
|
|
- Set varmeapparatet på full varme om du har eldre serie 1.
- Beskytt dynamoen med plast.
- Skru loket av ekspansjonstanken og løys lufteniplane.
- Tapp ut kjølevæska (den vesle slangen på radiatoren).
- Tøm langsomt ny kjølevæske i ekspansjonstanken.
- Steng lufteniplane når det byrjar spruta ut kjølevæske.
- Fyll ekspansjonstanken breddfull med kjølevæske og skru på loket.
- Fjern plasten på dynamoen.
- Start motoren og lat han gå på 2000 o/min til kjøleviftene startar.
- Vent 15 minuttar og skru forsiktig av loket på ekspansjonstanken.
- Etterfyll kjølevæske til nivået er ca 2 cm over den raude markøren i tanken.
|
|
|
NB!
Aldri skru loket av ekspansjonstanken medan kjøleviftene går!!!
|
|
|
Lufting
 Luftenippel.
Kontroller at det vesle holet nede på luftenippelen ikkje er tett; bruk i sofall
ei nål for å opna det att.
|
|
|
Å lufta kjølesystemet betyr å få vekk luftlommar.
Den einaste plassen det skal vera luft er i ekspansjonstanken.
Det er ein luftenippel på vasspumpa, og ein bortpå motoren.
Samt ein lufteskrue oppe på høgre sida av radiatoren (den skrur du opp med fingrane;
pass på å ikkje mista den vesle pakningen om du skrur han heilt ut).
Etter at du har fylt på kjølevæske må du opna lufteniplane og lufteskruen slik
at all luft får sleppa ut. Loket på ekspansjonstanken må vera ope medan du luftar.
Lufteniplane kan sitja ganske godt fast, og det er fort gjort å glippa og skada dei om du brukar fastnøkkel el.l.
Bruk i staden ei wisegrip-tang som du fester i oppreist stilling. Stram tangi so mykje som du klarer,
ta eit godt tak med begge hender, og vri forsiktig. (Om du prøver å festa tangi sidelengs vil
du kunna få problem med å koma til, og du vil ogso få so mykje kraft på ho at du risikerer å bryta av
luftenippelen.)
|
|
|
Lufteskruen på radiatoren.
|
|
|
Koking
Ikkje skru loket av ekspansjonstanken dersom kjøleviftene
er i gang!!!
|
|
Om varsellampen byrjar blinka, reduserer du farten. Set gjerne varmeapparatet på fullt (men ikkje opp på ruta).
Har du kjølevæske eller vatn med deg i bilen? Dersom ikkje må du stoppa ved første bensinstasjon, daglegvarebutikk,
kiosk el.l. Eller første grov eller elv.
Om kjølevæska byrjar koka (varsellampen lyser), stoppar du so fort som råd og let motoren gå på tomgang.
Opp med panseret, men ikkje skru loket av ekspansjonstanken før det
har gått minst 10 minutt. Kanskje må du venta lenger. Skru loket av veldig forsiktig,
pass på at du ikkje får sprut i augo! Etterfyll kjølevæske (som du naturlegvis alltid
har med i bilen!), eller reint vatn om du ikkje har anna.
Du må ogso løysa lufteniplane og sleppa ut luft
(du har vel alltid med deg ein 8mm fastnøkkel eller ei tang?).
|
|
Om varsellampen for vasstemperatur blinkar, må du redusera farten.
Om han byrjar lysa må du stoppa so fort som råd.
|
|
|
|
Om du vil rensa kjølesystemet, har du på radiatorrens (enkelte brukar oppvaskmiddel).
Etter endt kur må du tappa ut so mykje av kjølevæska som råd, og
spyla gjennom med hageslangen:
- Registeret: Ta ut reservehjulet, kopla frå eine slangen som går inn i torpedoveggen,
og spyl begge veger. (Har du gamal serie 1 må du passa på å setja varmeapparatet på full
varme før du spyler.)
- Radiatoren: Kopla frå begge dei to grove slangane som går inn på radiatoren,
og spyl gjennom begge veger.
Fyll på ny kjølevæske (hugs lufting!). Kontroller nivået etter
første køyretur.
|
|
|
Spyling av radiatoren.
|
|
|
|
Start motoren, gje gass og sjå om det sprutar ut nokon stad.
Skift morkne gummislangar og stram alle slangeklemmer.
Finn du ingen synleg lekkasje, fyller du på radiatortetting (enkelte brukar kanel).
|
|
|
Dersom kjølevæska minkar og oljenivået stig, og det er eit gråkvitt
belegg på undersida av oljepåfyllings- loket, må du sannsynlegvis skifta toppakning.
|
|
|
|
Du har ei eller to kjølevifter framfor radiatoren.
For å kontrollera om dei fungerer let du bilen gå på tomgang.
Når temperaturen nærmar seg 100°C skal dei starta. Startar dei ikkje er sannsynlegvis
termostaten til viftene (på venstre side av radiatoren) i ustand.
|
|
|
Du kan starta viftene manuelt ved å kortslutta ledningane som går inn på termostaten.
Bruk ein kort ledning med flatstikk i kvar ende.
|
|
Citroën CX
leirdal.info
|
