• Dersom startmotoren går veldig sakte rundt, eller ikkje går rundt i det heile, kan det vera at batteriet er flatt. Du kan i sofall prøva med startkablar.

• Dersom motoren ikkje startar, men startmotoren går i full fart, er batteriet i orden.

1. Kopla den raude ledningen til pluss på begge batteri. (Forsiktig - ikkje støyt borti nokon av bilane med kontaktane.)
2. Kopla den eine enden av den svarte ledningen til minus på batteriet på den eine bilen.
3. Kopla den andre enden av den svarte ledningen til ein metalldel på motoren på den andre bilen, i god avstand frå batteriet.
4. Start hjelpebilen og gje gass.
5. Start bilen med flatt batteri.
6. Kopla den svarte ledningen frå motoren i den eine bilen.
7. Kopla den svarte ledningen frå minuspolen på batteriet i den andre bilen.
8. Kopla frå den raude ledningen.

Startkablar finst i ulike kvalitetar.
Dårlege kablar er alt for korte, alt for granne, og har alt for svake klyper.
Gode kablar er av «lastebiltypen». Dei er lange, grove og har kraftige klyper. På dieselbil er desse dei einaste som fungerer.