Feilsøking

• Sjå over bilen og finn alle feil og manglar.
  • Sjekk og evt. byt bremseklossar. Sjekk om bremseskivene er tjukke nok og om dei er blanke på begge sider.
  • Sjekk og evt. byt bremseklossar på handbremsi. Stram om nødvendig.
  • Sjekk og evt. byt fjøringskuler.
  • Byt hovudakkumulatorkula, om pumpa driv og sler inn stadig vekk.
  • Byt bremseakkumulatorkula, for å vera på sikre sida (om du då ikkje veit at ho nyss er bytt).
  • Kontroller om det er nok LHM, motorolje, gearkasseolje og frostvæske.
  • Monter smørjeniplar bak.
  • Få oversikt over evt. lekkasjar. (Olje, LHM, drivstoff, frostvæske, vatn inn i kupeen.)
  • Sjå etter om det er sprekker på LHM-fødeslangen der han går inn på hydraulikkpumpa, og surr i sofall på rikeleg med elastisk tape, stramt.
  • Sjekk alle lyspærer.
  • Kontroller og evt. skift vindusviskar.
  • Få oversikt over evt. rustproblem. (Om det er sideskjørt på bilen; ta dei av. Alltid rikeleg med rusthol under desse.)

V I K T I G

Inni

• Kryp under bilen og sprut rustfjernar på setefesti som er synlege (2 for kvart framsete).
• Fjern alle lause matter, og støvsug inni kupeen og i bagasjerommet.
• Skru laus plastlistene på dørtersklane.
  • Reingjer listene.
  • Smør på gummi/plastfornyar på begge sider.
  • Legg skruane i rustfjernande olje.
  • Ha Owatrol ned i skrueholi.
• Ta av gummipakningane rundt døropningane, bagasjeromsopningen, under bakkant av panseret, og rundt friskluftinntaket i motorrommet.
  • Reingjer pakningane. Om dei er deformerte kan det kanskje hjelpa å legga dei ei stund i godt varmt vatn.
  • Smør på silikon. Ogso på listene rundt frontruta og bakglaset, og listene under lyktene.
• Ta ut framseti.
  • Skyv seti heilt attende og skru laus dei to umbracoskruane som festar dei til golvet. Skyv dei so heilt fram og skru laus dei to skruane bak.
  • Løft seti forsiktig ut gjennon framdørene. (NB! Det er veldig fort å skrapa borti dørsidene med understellet.)
  • Legg skruane og avstandsskivene i rustfjernande olje.
  • Ha Owatrol ned i skrueholi.
  • Reingjer seti under og smør leamikken med grease. Kontroller at alle funksjonar opp/ned fram/tilbake fungerer.
  • Fest ryggen att, dersom han har losna.
  • Reingjer og sy fast evt. lause trådar.
• Baksetet.
  • På Berline: Løft opp seteputa i framkant, og ta ho ut.
  • På Break: Skru av den svarte plata bak seteryggen. Skru laus seteryggen, og ta han ut. Skru laus dei svarte dekseli på kvar side (må kanskje ha på rustfjernar/olje på skruane inni bakskjermane for å få dei laus).
  • Reingjer setet og sy fast evt. lause trådar.
• Skru ut dei nedre festepunkti for sikringsbelti.
• Ta ut golvteppi, og rens dei. Eller riv dei laus frå lydisoleringen og vask dei i badekaret.
• Gå over alle metallflater og fjern rust. Støyt skrujern/syl hardt mot suspekte plassar.
• Små rusthol kan du sveisa, eller lim fast metallplater med Sikaflex. Du kan ogso bruka stålsparkel (men hugs armering). Større hol (t.d. framfor framseti) må sveisast.
• Reingjer godt med whitespirit. Ikkje ta på reingjorde flater med fingrane.
• Lim på asfaltplater. Asfaltplatene må du varma opp til dei blir heilt mjuke før montering. Press godt frå midten og utover, bruk ei stor stålkule el.l. Ha deretter på Sikaflex langsetter kantane av platene.
• Pensla på Owatrol (på heile botnen av bilen; alle metalloverflater, lakkerte som ulakkerte).
• Pensla på 2 strøk med bengallakk/emaljelakk iblanda 10-15% Owatrol.
• Monter på plass att alt i omvendt rekkefølje (ha grease på skruane til sikringsbelti).
• Gå over heile interiøret og reingjer.

Sy fast lause trådar med krumnål. Legg løkka på tråden rundt den lause tråden i setet, og sy han nedi.

Holrom

• Ta ut gummiproppane og turk godt og lenge.                          
• Sprut inn Owatrol.
• Sprut inn holromsmasse.

Utvendig

• Skrap/puss vekk all synleg rust.
• Ha på rusthindrande grunning.
• Sparkla og pussa.
• Ha på rusthindrande grunning.
• Sprøyt på lakk.
• Ha på gummi/plastfornyar på alle gummi- og plastdetaljar.            
• Vask og poler heile bilen.
• Puss krom.
• Poler frontruta.

Diverse

• Få laga deg ekstra nøklar, og ha dei originale som reserve.
• Ha med dette i bilen:
  • Varseltrekant.
  • Refleksvest i setelommen til passasjersetet.
  • Vognkort og 2 skademeldingsskjema, samt penn.
  • Litt førstehjelpsutstyr i ein pose (munn-til-munn-maske, plaster, enkeltmannspakke etc.).
  • Jekk + sveivi til jekken (plasserast i reservehjulet).
  • Komplett sett med brukte, men heile drivreimer (plasserast i botnen av reservehjulet).
  • Reserve LHM, olje og ferdigblanda frostvæske (plasserast i motorrommet; LHM i reservehjulet, frostvæske nede mellom batteriet og lykti, olje bak vindaugsspyletanken eller annan egna plass).
  • Slepetog.
  • Startkablar (til diesel bør dei vera av lastebiltypen).
  • Sikringar og reservepærer, samt lommelykt (hovudlykt med diodepærer er best).
  • Div. verkty (fastnøklar, skrujern, umbraconøklar etc.).
  • Kabelskotang og div. kabelsko, el.tape etc.
  • Elektrisk pumpe.
  • Om vinteren: Varmedress, pledd, isskrape, kost, spade, kjettingar.
  • Dersom du brukar briller: Ha gamlebrillene liggande i hanskerommet i eit kraftig etui.
• Legg aviser under golvmattene, og under matta i bagasjerommet, og byt dei ut ofte. (Gjerne etter kvar gong bilen har vore utsett for vatn.)