For å byrja med dørhandtaki

Meget stilige, og dei sit stødig på plass. Du trykker med tommelen mot ein knott for å opna.

På dei fleste bilar gir dørhandtaket etter når du tek i det, og er døri då litt fastfrosi, so får du følelsen av at du slit sund heile greia. (Og at det er rett før du røskar av deg neglene;)

Seter og sitjestilling                        

Du set deg ned i bilen, i eit meget komfortabelt sete. Og du sit behageleg bakoverlent, som i ein sofa.

Du set deg inn i — eller opp i — ein hard kjøkkenstol. Og sitjestillingen er ogso som på ein kjøkkenstol.

Varme og ventilasjon                        

Tre spakar mellom seti, som kan brukast i blinde, ettersom alle har unik utforming.

Virvar av hendlar som ein må strekka seg etter, og bruka augene for å kunna stilla inn. Luftstraumen kjem ofte ut alt for høgt oppe, slik at ein får han rett i augene.

Instrumentkonsoll                        

UFO-følelse, badevekt-instrument, alle hendlar kan nåast utan å ta hendene frå rattet. Alle varsellampar på ei ryddig rekke. Brytar for retningslys, utan automatisk retur.

Kjedelege runde instrument. Knappar og hendlar strødd rundt omkring. Pinne for retningslys, med automatisk retur. Retningslyset sler seg dermed aldri av på korrekt tidspunkt.

Tenningslås                                                

På venstre side av rattet.                                                

På høgre side av rattet. Dermed har høgre kne lett for å koma i konflikt med nøkkelknippet. Og i tilfelle kollisjon, vil det vera vanskelegare for redningsmannskap å koma til for å skru av tenningen.

Ratt og styring                                                

Eineika, uforstyrra utsikt til instrumentkonsollen. Progressiv, lynrask og direkte styring (kun 2½ omdreiningar mellom ytterpunkt). Fullstendig hydraulisk (ingen mekanisk overføring), og absolutt ingen følelse med framhjulene gjennom rattet. Når du slepper rattet går det attende til midtstilling ogso når bilen står i ro.

To- eller treeika, nesten so ein ikkje får plass til hendene. Kun servoassistert, indirekte og langsom styring. Rattet går ikkje automatisk attende til midtstilling.

Spyling                                                

Innebygd i viskaren. Og friskluftinntaket er plassert frampå panseret, slik at det garantert ikkje blir lukt inni bilen.                                                

Spyling frå to dyser på panseret. Friskluftinntaket er plassert i nedkant av frontruta, slik at ein får ei forferdeleg lukt inni bilen. Blir ein stoppa i kontroll, kan ein tilogmed risikera å blåsa raudt! Og politimennesket vil stikka nasen inn gjennom ruta og bemerka at:
—Jaha, her luktar det farkenmeg sprit!!

Bremser                        

Bremsepedalen sit lågare enn gasspedalen, er difor rask å koma til. Pedalen har nesten ikkje vandring, og er meget lett å dosera. Fronten på bilen sig ikkje ned, sjølv ved meget kraftig oppbremsing. Bremsene er ekstremt kraftige, so risikoen for å bli påkøyrt bakfrå er absolutt til stades. Bakbremsene er lastavhengige.
Handbremsene virkar på framhjulene, og er meget effektive. Dette er faktisk ein av dei få bilar der handbremsene verkeleg fungerer som nødbremser.

Bremsepedalen sit ofte høgare enn gasspedalen, slik at ein må løfta foten for å kunna bruka han. Ein risikerer dermed å hekta fast skoen om ein ikkje løfter foten høgt nok. Pedalen har forferdeleg lang vandring, og har ein svampete følelse. Bremsevirkningen er moderat, og spesielt tyngre bilar går på nasen ved kraftig oppbremsing. Bilane brukar ogso bremsevæske som er svært giftig, og som syg vatn frå lufti, dette kan føra til katastrofe.

Fjøring og køyreegenskapar                        

Luftfjøring (nitrogen) med automatisk nivåregulering (hydraulisk). Framragande køyreegenskapar, avansert framhjulsoppheng. Fartsdumpar merkar ein nesten ingen ting til.

Spiralfjører. Stumpete fjøring. Stor variasjon i køyreegenskapar frå tomt til fullt lass, der lyktene lyser opp i tretoppane. På enkelte modellar kan lyktene regulerast frå førarplass, men kor nøyaktig blir det? Og dersom ein har regulert lyktene med tom bil, for so å lessa han full slik at bakenden omtrent tek nedi, og dette skjer på dagtid, kven hugsar då på å regulera lyktene ned att?

Konstruksjon                        

CX'en har hjelperåme, noko som isolerer kupeen effektivt mot lydar/vibrasjonar frå hjuloppheng og motor. Bilen blir ogso ganske vridstiv på den måten.

Har ikkje råme/hjelperåme, slik at lydar spesielt frå hjulopphenget trenger inn i kupeen. Køyreegenskapane kan ogso bli forringa ved at bilen er mindre stiv.

Diverse                        

Reservehjulet ligg i motorrommet, med jekken oppi. Skifting av hjul er meget enkelt. Det er berre å heisa bilen opp i øverste stilling, setja jekken under fremre jekkfeste, jekka litt opp, og so er begge hjul på den sida opp i frå.
Ved køyring i ulendt terreng kan ein heva bilen opp i terrengstilling. Og om ein køyrer seg fast om vinteren, kan ein først sleppa bilen heilt ned, for so å ta han heilt opp i øverste stilling, og spinna seg laus.

Reservehjulet ligg vanlegvis under matta i bagasjerommet, eller er festa under bagasjerommet. Tungvindt/grisete.

Er vanlege bilar betre enn Citroën CX på noko vis?

Tja, det kjem jo an på augene som ser. Nyare bilar vil jo kunna ha betre passiv sikkerheit i form av airbagar o.l., men den aktiv sikkerheiti er jo langt viktigare, og der er CX'en uslåeleg. Men, som med alle gamle bilar, HALD BILEN RUSTFRI! Ein gjennomrusta bil vil kollapsa i ein kollisjon.
Nyare bilar vil ogso kunna ha betre lydisolering i form av doble dørpakningar t.d., men det er ikkje noko problem å lydisolera ein CX til han blir nesten lydlaus.