Handbremser serie 2

• Handbremsene fungerer på framhjulene.

• Stramming/justering skjer på kaliperane.

Det er sagt mykje gale om handbremsene (ja, det er faktisk to stykker;) på CX'en, og alt feil. So lenge du syter for korrekt vedlikehald, finn du ikkje meir effektive handbremser på nokon bil. Og hugs at handbremsene ogso skal fungera som nødbremser.

Handbremsene må strammast og smørjast ofte. Minimum kvar vår og haust, elles endar du opp med to ubevegelege rusthaugar. Det er ogso viktig å bruka dei av og til.

1 Handbrake lever

2 Control lever

3 Spacer

4 Adjustmnt screw

5 Contact switch

6 Capscrew

7 Capscrew

8 Plain washer

9 Hexagonal nut

Teikningen er lånt frå delelista til Citroën CX

1 Handbrake cable

2 Handbrake lever

3 Set 4 brake pad (bremseklossar)

4 Hdbrk equalizer

5 Cable ring

6 Hndbrk spindle

7 Hndbrk spindle

8 Pin

9 Return spring

10 Cup

Teikningen er lånt frå delelista til Citroën CX

11 Eccentric

12 Handbrak spacer

13 Lever stop

14 Cable guide

15 Cable guide

16 Adjust collar

17 Capscrew

18 Washer

19 Plain washer

20 Plain washer

21 Plain washer

Stramming / justering

Er bremseskivene byrja bli tynne, vil det vera vanskeleg å få handbremsene stramme nok. Skift i sofall til nye bremseskiver. (Bremseskivene skal vera minimum 18 mm tjukke.)

Hjulboltar NB! Dersom dei to boltane som skal halda bremseskiva på plass er vekke (knekt av), må bremseskiva låsast fast med hjulboltane (ikkje boltar til aluminiumsfelgar; dei er for lange).

Til justering av 4x11 kan du bruka eit stort flatt skrujern eller ei firkantsyl der tuppen er filt vekk. Eller lag deg spesialverkty av 4,5mm tjukt metall:

Teikningane er lånt frå servicemanualen til Citroën CX

Jekk opp fronten på bilen, set han på bukkar, ta av framhjulene og set gearspaken i fri.
Handbremsene må vera av.
Skru av låsemutter og justeringsmutter på vaier begge sider (2stk 11mm fastnøklar + liten skiftenøkkel el.l. til å halda fast enden på vaieren).
Løys 4x17 (17mm).
Juster 4x11 (med klokka sett bakfrå), først på utsida, deretter på innsida og stram 4x17. (4x11 skal strammast/vridast akkurat so mykje at ein lett klarer å vri rundt bremseskiva med hendene med litt motstand. Pass på å ikkje ta innpå bremseskiva, hald mot kantane.)
Dra ut vaieren først på den eine sida og so på den andre. Mål differansen og skru på att justeringsmutter og låsemutter på begge sider. (Var enden som stakk ut på venstre sida 5 mm lengre enn den på høgre sida, skal det no fortsatt stikka ut 5 mm meir vaier på venstre sida.)
Kontroller at du kan vri bremseskivene rundt med hendene, og at dei (bremseskivene;) er heilt reine.

På lettmetallfelgar kan det skje at enden på vaieren skrapar borti felgen. I sofall kan du prøva å korta inn den vesle stillskruen litt (2stk 8mm fastnøklar) og justera på nytt. Går ikkje det heller, kan du dra utor vaieren og tre på nokre stoppskiver, eller ein muttar el.l.

Dersom du ikkje får av låsemutter og justeringsmutter, må du skifta vaierane.

Stram 4x17 7.5 mdaN (75 Nm). Stram låsemutteren 1.5 mdaN (15 Nm).

Ha grease på vaieren og trekk ein plaststrømpe innpå slik at han blir liggande under bøylen.

Skifting av handbremsevaier

Du må skifta handbremsevaierane om dei strekker seg, ryk av eller du ikkje får av låsemutter og justeringsmutter.

Inni bilen tek du av dekselet til høgre for gasspedalen. Demonter vaierane og fest ein ledning i enden av kvar vaier, og bruk ledningane til å dra inn dei nye vaierane.

Den kortaste vaieren skal vera på venstre sida.

Problem

Varsellampen for påsett handbremse lyser når han ikkje skal.

Brytar

Dette skuldast vanlegvis at brytaren (5) ikkje blir klemt langt nok ned. Klipp til og set på ein filtbit (berekna på å setjast under stolføter).

Citroën CX
leirdal.info