Frambremsene er det viktigaste du har på bilen. Dei må alltid vera i topp stand, og kontrollerast ofte. Det er ikkje nok å stola på at varsellampen for nedslite bremsebelegg fungerer (og vanlegvis er ledningane på bremseklossane kutta av).

Bremseklossane (3) må ha tilstrekkeleg med bremsebelegg, og må kunna bevega seg fritt.
Bremseskivene (2) må vera blanke på begge sider, og tilstrekkeleg tjukke.
Alle 4 bremsestempel (6) på kvar kaliper må kunna bevega seg fritt.
Bremseakkumulatoren må vera i orden.

Bremsebelegg
Min. 3 mm

Bremseskive
Min. 18 mm                                      

Skifting av bremseklossar

Ledningane skal inn i ein kort plaststrømpe og under bøylen slik som vist her.

Demontering

• Reingjer godt.
• Kopla frå ledningane som stikk ut or bremseklossane (om dei er der).
• Ta ut låsepinnen (5) (klem inn 4).
• Ta vekk bøylen (4).
• Ta ut dei gamle bremseklossane (2x3).

Montering

• Reingjer godt. Blås reint med trykkluft.
• Legg inn 2 tynne kryssfinerplater på storleik med bremseklossar (for å beskytta bremseskiva). Bruk eit stort skrujern el.l. og press alle stempel heilt inn. Ta ut kryssfinerplatene.
• Set i dei nye bremseklossane (pass på at bremsebelegget vender mot bremseskiva).
• Smør på eit tynt lag koparpasta på bøylen (4) og legg han på plass. NB! IKKJE få koparpasta på bremseskiva eller bremseklossane!!!
• Stikk inn låsepinnen (5) og pass på at bøylen går i lås i begge spor på låsepinnen.
• Kopla til ledningane og sikra dei.
• Køyr inn bremseklossane.

• Når du skal ta ut dei gamle bremseklossane, kan det henda at dei sit fast. Prøv å slå forsiktig på dei med ein hammar, og lirk dei sidelengs medan du bender dei ut. Bruk deretter ei firkantfil og fil opp sporet der bremseklossane skal bevega seg. Det er meget viktig at dei nye klossane glir lett på plass og kan bevega seg fritt.

• Du kan ha på litt koparpasta på baksida av bremseklossane (sida som vender mot bremsestempel), men pass for all del på at det ikkje kjem noko på bremsebelegget eller bremseskivene!!!

Skifting av bremseskive

Demontering

• Reingjer godt.
• Ta ut låsepinnen (5) (klem inn 4) og 4.
• Ta ut bremseklossane (2x3).
• Løys dei to skruane til handbremsi og juster utover so langt som det går.
• Skru ut 4x13.
• Legg ned halvkaliperen (1).
• Ta utor bremseklossen til handbremsi.
• Skru ut 2x14 (dersom dei ikkje er vekke).
• Lirk av bremseskiva (2).
• Ta utor den andre bremseklossen til handbremsi.
• Reingjer og smør alle fire stempel med litt LHM, tørk av dei med eit papir og press dei (6) heilt inn (VERNEBRILLER!).

Montering

• Monter i omvendt rekkefølge.
• Skift til nye bremseklossar om nødvendig (ogso på handbremsene).
• Reingjer området der halvkaliperen skal på att og pass på at dei to gummipakningane er på plass (desse bør helst skiftast til nye).
• Dersom 2x14 er vekke (knekt av) må du skru fast bremseskiva med 3 hjulboltar (slik at ho sit stødig på plass) når du skal justera handbremsi.
• Luft bremsene.

• 2x14 kan vera vanskeleg å få ut. Vanlegvis får du løyst dei litt, men so er det stopp. Skru dei då heilt inn og ut att mange gonger; dei kjem litt lenger ut for kvar gong, og til slutt losnar dei.
Ha på litt koparpasta før du set dei i att.

• Om du ikkje får laus bremseskiva, kan du gjera føljande:
Reingjer godt, set på att halvkaliperen og monter bremseklossane. Luft bremsene. Ta deretter ogso den andre framhjuli opp i frå. Start og kopla forsiktig inn 1. gear slik at bremseskiva byrjar rotera. Brems hardt. No vil forhåpentlegvis skiva losna.

Skifting av bremserøyr på kaliper

 

• Det nye bremserøyret du monterer må behandlast slik at det vil vara i mange år. Du kan til dømes ha på eit strøk med Owatrol og 2-3 lag med lakk som toler sterk varme. Deretter polering og lakkforsegling.
Hugs ogso å gjera det same med bremserøyret på den andre sida.

Demontering

• Reingjer godt.
• Ta ut skruane D og E.
• Skru ut F.
• Skru av C.
• Skru av B dersom det ikkje er festebrakett på det nye røyret.

Montering

• Skru bremserøyret fast til C (hugs koparstoppskive). NB! Pass på at det fleksible bremserøyret C er festa til ikkje blir vridd!!! (Kan vera vanskeleg å få til.) Det må henga i ein fin boge etter at bremserøyret er montert.
• Skru fast F (pass på at det er koparstoppskiver på begge sider).
• Skru fast D og E (ha litt koparpasta på gjengene).
• Luft bremsene.

C kan sitja noko forferdeleg fast. (Det kan vera lurt å festa A i ei skrustikke.) Ver forsiktig so du ikkje skadar det nye bremserøyret, dersom du hentar det frå delebil.

• Set helst på nye koparstoppskiver. Om du brukar dei gamle, må dei glødast før montering. (Varm dei opp til dei blir kvitglødande, og legg dei deretter i kaldt vatn.)